புத்ராஜெயா, நவம்பர்-28 – பிரதமர் டத்தோ ஸ்ரீ அன்வார் இப்ராஹிமின் முன்னாள் மூத்த அரசியல் செயலாளர் டத்தோ ஸ்ரீ Shamsul Iskandar Mohd Akin உள்ளிட்ட மூவர், மலேசிய ஊழல் தடுப்பு ஆணையமான MACC-யால் கைதுச் செய்யப்பட்டுள்ளனர்.
சர்ச்சைக்குரிய தொழிலதிபர் Albert Tei, Sofia Rini Buyong எனும் மாது ஆகியோர் இதர இருவர் ஆவர்.
MACC தலைமை ஆணையர் தான் ஸ்ரீ அசாம் பாக்கி சற்று முன்னர் வெளியிட்ட வீடியோவில் அத்தகவலை உறுதிப்படுத்தினார்.
சபாவில் லஞ்ச விவகாரம் தொடர்பில் Albert Tie மற்றும் Sofia Rini இருவரின் உரையாடல் அடங்கிய வீடியோ தொடர்பில் அம்மூவரும் முன்னதாக MACC-யின் விசாரணைக்காக அழைக்கப்பட்டிருந்தது குறிப்பிடத்தக்கது.
Shamsul இன்று நண்பகல் 12 மணிக்கும், Sofia Rini நேற்று பிற்பகல் 2 மணிக்கும் MACC தலைமையகம் சென்றனர்.
அதே சமயம், Albert-டை இன்று காலை சிலாங்கூர், பூச்சோங்கில் உள்ள அவரது வீட்டுக்கே சென்று MACC அதிகாரிகள் கைதுச் செய்தனர்.
