கூடாட், ஜூலை 10 – 200,000 ரிங்கிட் மதிப்புள்ள ஆமையின் உலர்ந்த இறைச்சி மற்றும் அதன் ஓடுகளை கூடாட் கடல் பகுதியில் கடத்தும் முயற்சியை மலேசிய கடல் நிறுவனத்தின் அமலாக்க அதிகாரிகள் முறியடித்தனர். கூடாட் Tanjung Kalutan கடலோர பகுதியில் சந்தேகத்திற்குரிய படகு காணப்பட்டதை தொடர்ந்து கடல் நிறுவனத்தின் அமலாக்க அதிகாரிகள் அதனை தடுத்து நிறுத்தும் முயற்சியில் ஈடுபட்டபோது அந்த படகில் இருந்த சந்தேகப் பேர்வழி கடல் சேற்று பகுதியில் குதித்து தப்பியோடினான்.
அந்த படகில் மேற்கொள்ளப்பட்ட பரிசோதனையில் 23 மூட்டைகளில் இருந்த ஆமைகளின் 160 கிலோ உலர்ந்த இறைச்சி மற்றும் 52 மூட்டைகளில் இருந்த 500 கிலோ ஆமை ஓடுகளும் பறிமுதல் செய்யப்பட்டதாக மலேசிய கடல் நிறுவன கமாண்டர் Maurice Grenville Abeyeratne தெரிவித்தார். பறிமுதல் செய்யப்பட்ட பொருட்கள் அனைத்தும் மலேசிய கடல் நிறுவன விசாரணை அதிகாரியிடம் ஒப்படைக்கப்பட்டதாக அவர் கூறினார்
