குளுவாங், நவம்பர்-17, ஜோகூர், ஜாலான் பத்து பஹாட் – மெர்சிங் சாலையில் சிங்கப்பூர் ஆடவர் ஓட்டிச் சென்ற உயர் இரக ஸ்கூட்டர், ஒரு காருடன் மோதிய கோர விபத்தில் அவர் சம்பவ இடத்திலேயே உயிரிழந்தார்.
நேற்று மாலை 4 மணியளவில் 3 வாகனங்கள் அவ்விபத்தில் சம்பந்தப்பட்டதாக, குளுவாங் போலீஸ் கூறியது.
51 வயது அந்நபர், மெர்சிங்கிலிருந்து Yamaha T-Max ஸ்கூட்டரில் குளுவாங் சென்றுகொண்டிருந்தார்.
சம்பவ இடத்தை நெருங்கியதும், முன்னே சென்ற MPV வாகனத்தை இடதுபுறமாக அவர் முந்திச் செல்ல முயன்றார்.
ஆனால் கட்டுப்பாட்டை இழந்த ஸ்கூட்டர் எதிர்திசையில் புகுந்து, 43 வயது ஆடவர் ஓட்டி வந்த காருடன் மோதியது.
அதில் உடம்பில் படுகாயம் அடைந்து அவர் அங்கேயே உயிரிழந்த வேளை, காரோட்டி முகம், நெஞ்சு மற்றும் கால்களில் காயமடைந்தார்.
MPV வாகனமோட்டிக்கோ காயம் ஏதும் ஏற்படவில்லை.
