இஸ்லாமாபாத், ஆகஸ்ட்-2 – உலகின் முன்னணி மலையேறியான நேப்பாளத்தைச் சேர்ந்த நிர்மல் ‘நிம்ஸ்டாய்’ புர்ஜா, பாகிஸ்தானில் உள்ள Broad Peak மலையில் ஏற்பட்ட பனிச்சரிவில் சிக்கி உயிரிழந்தார்.
பாகிஸ்தானின் காரகோரம் மலைத்தொடரில் சுமார் 21,000 அடி உயரத்தில் மலையேறும் பயிற்சியில் ஈடுபட்டிருந்தபோது இந்த கோர விபத்து நிகழ்ந்துள்ளது.
நிர்மல் புர்ஜாவுடன் சென்ற அவரது வழிகாட்டிகள் மற்றும் குழுவைச் சேர்ந்த 9 பேரும் இந்த பனிச்சரிவில் உயிரிழந்ததாக அவரது Elite Exped நிறுவனம் உறுதிப்படுத்தியுள்ளது.
பிரிட்டிஷ் இராணுவத்தின் சிறப்புப் படையில் பணியாற்றிய நிர்மல் புர்ஜா, 2019-ஆம் ஆண்டில் உலகின் 8,000 மீட்டருக்கு மேல் உயரம் கொண்ட 14 சிகரங்களையும் வெறும் 6 மாதங்களில் ஏறி உலக சாதனை படைத்தவர் ஆவார்.
Netflix-ஸின் ’14 Peaks: Nothing Is Impossible’ ஆவணப்படம் மூலம் உலகம் முழுவதும் புகழ்பெற்றவர்.
இலட்சக்கணக்கான மலையேறிகளுக்கு வழிகாட்டியாகவும் முன்மாதிரியாகவும் திகழ்ந்த நிர்மல் புர்ஜாவின் மறைவு விளையாட்டு உலகிற்குப் பேரிழப்பாகும்.
