திருப்பதி, அக்டோபர்-4 – புரட்டாசி மாதத்தின் முக்கியச் சனிக்கிழமை மற்றும் தொடர் விடுமுறையை முன்னிட்டு, திருப்பதி ஏழுமலையான் கோயிலில் வரலாறு காணாத அளவில் பக்தர்கள் கூட்டம் அலைமோதி வருகிறது.
குறிப்பாக இலவச தரிசனமான தர்ம தரிசனத்திற்காக பக்தர்கள் சுமார் 30 மணி நேரத்திற்கும் மேலாக காத்திருக்க வேண்டிய சூழல் ஏற்பட்டுள்ளது.
இதனால் பக்தர்களின் வரிசை பல கிலோ மீட்டர் தூரத்திற்கு நீண்டுகொண்டே செல்கிறது.
தேவஸ்தானம் வெளியிட்டுள்ள அதிகாரப்பூர்வ தகவலின்படி, ஒரே நாளில் மட்டும் சுமார் 78,000-க்கும் மேற்பட்ட பக்தர்கள் சுவாமி தரிசனம் செய்துள்ளனர்.
கடும் கூட்ட நெரிசலையும் பொருட்படுத்தாமல், பக்தர்களுக்கு தேவையான குடிநீர் மற்றும் அடிப்படை வசதிகளை தேவஸ்தான அதிகாரிகள் தொடர்ந்து கண்காணித்து ஏற்பாடு செய்து வருகின்றனர்.
தொடர் விடுமுறை நீடிப்பதால், பக்தர்கள் கூடுதல் காத்திருப்பு நேரத்தை மனதில் கொண்டு திட்டமிடுமாறு தேவஸ்தானம் கேட்டுக் கொண்டுள்ளது.
