சுபாங் , ஏப் 26 – சுபாங் Sultan Abdul Aziz Shah விமான நிலையத்தில் இன்று சிறு ரக விமானம் ஒன்று அவசரமாக தரையிறங்கியது. அந்த விமானம் புறப்பட்ட அடுத்த இரண்டு நிமிடங்களுக்குள் அவசரமாக தரையிறங்கியது. Diamond DA -42 சிறு ரக விமானத்தில் இருந்த இரண்டு விமானிகள் Techstrait Ltd நிறுவனத்திற்கு சொந்தமான விமானத்தை பாதுகாப்புடன் தரையிறக்கியதாக மலேசிய பொது விமான நிர்வாகத்தின் தலைமை நிர்வாக அதிகாரி டத்தோ NORAZMAN BIN MAHMUD தெரிவித்தார்.
அந்த விமானம் காலை 8. 26 மணியளவில் Sultan Abdul Aziz Shah விமான நிலையத்திலிருந்து புறப்பட்ட இரண்டு நிமிடங்களில் அவசரமாக தரையிறங்குவதற்கு விமான நிலைய கட்டுப்பாட்டு கோபுரத்துடன் தொடர்புகொண்டதைத் தொடர்ந்து காலை மணி 8.28 அளவில் தரையிறங்கியதாக இன்று வெளியிட்ட அறிக்கையில் Norazman தெரிவித்தார். இது தொடர்பாக விசாரணை நடத்தப்படும் என்றும் அவர் கூறினார்.
