புதுடில்லி , ஜூன் 4 – Tata Punch SUV வாகனம் தொடர்பான ஆபத்தான விபத்தை காட்டும் சம்பவத்தை பிரதிபிலிக்கும் வைரல் காணொளி ஜம்மு மற்றும் காஷ்மீரிலிருந்து வெளியாகியுள்ளது. அந்த வாகனம் சாலையை விட்டு விலகி செங்குத்தான மலைச்சரிவில் சரிந்து விழுவதை அருகில் இருந்தவர்கள் காணொளியில் அதனை பதிவு செய்துள்ளனர். பார்வையாளர்கள் தலையிட முயன்றபோதிலும் அந்த SUV வாகனம் இறுதியில் கட்டுப்பாட்டை இழக்கிறது. எனினும் அதிர்ஷ்டவசமாக, ஓட்டுநர் விரைவாக செயல்படுவதையும் காண முடிகிறது. மேலும் வாகனம் மலைப்பகுதியில் உருளும் முன், பெரிய அழிவிலிருந்து ஓட்டுனர் உயிர் தப்பி வெளியேறுகிறார். விபத்துக்கான காரணம் தெளிவாக தெரியவில்லை. கீழ்நோக்கிச் செல்லும் செங்குத்தான பகுதியில் ஓட்டுனர் கட்டுப்பாட்டை இழந்திருக்கலாம் என காணொளி தெரிவிக்கிறது.
விரைவுபடுத்தவும் கட்டுப்பாட்டை மீண்டும் பெறவும் முயற்சி மேற்கொள்ளப்பட்ட போதிலும் துரதிர்ஷ்டவசமாக அந்த முயற்சி தோல்வியடைந்தது. இந்தச் சம்பவம், குறிப்பாக சவாலான மலைப்பாங்கான நிலப்பரப்பில், பாதுகாப்பான ஓட்டுநர் நடைமுறைகளின் முக்கியத்துவத்தை நினைவூட்டுவதாக உள்ளது. இந்த காணொளி X தளத்தில் வெளியிட்டது முதல் அதனை 54,000 த்திற்கும் மேற்பட்டோர் பார்த்துள்ளதோடு நெட்டிசன்கள் பல்வேறு கருத்துக்களையும் வெளியிட்டனர். மரணத்திற்கான நெருக்கமான அழைப்பு என அச்சம்பவத்தை நெட்டிசன் ஒருவர் வர்ணித்துள்ளார்.
