கோலாலம்பூர், மே 29 – இளைஞர் மற்றும் விளையாட்டுத்துறை அமைச்சரான Hannah Yeoh அமைச்சரவையிலிருந்து பதவி விலக வேண்டும் என கோரிக்கை விடுப்பது நியாயமல்ல என DAP யின் மகளிர் பிரிவு தலைவி Teo Nie Ching தெரிவித்திருக்கிறார். அவர் அதிகாரத்தை தவறான பயன்படுத்தியுள்ளார் என விசாரணை நடத்தப்பட்டு உறுதியானால் மட்டுமே விசாரணைக்கு உள்ளாக வேண்டும். எந்தவொரு விசாரணைக்கும் அவர் ஒத்துழைப்பார். எனவே அவர் பதவி விலக வேண்டும் என கோரிக்கை விடுப்பது நியாயம் அல்ல என இன்று நடைபெற்ற செய்தியாளர் கூட்டத்தில் Teo Nie Ching தெரிவித்தார்.
DRT எனப்படும் சிலாங்கூரின் பொது போக்குவரத்து வசதிகளை மேம்படுத்தக்கூடிய முன்னோடி திட்டத்திற்காக தேர்வு செய்யப்பட்ட இரண்டு நிறுவனங்களில் Asia Mobility Tecnologies Sdn Berhad டும் ஒன்றாகும். Hannah Yeoh வின் கணவர் M. Ramachandran னின் Asia Mobility Technologies Sdn Berhad நிறுவனத்திற்கு நேரடி பேச்சின் மூலம் குத்தகை வழங்கப்பட்டது தொடர்பில் அவர் பதவி விலக வேண்டுமென உரிமை கட்சியின் தலைவர் டாக்டர் பி.ராமசாமி விடுத்துள்ள கோரிக்கை தொடர்பில் கருத்துரைத்தபோது Teo Nie Ching இதனை தெரிவித்தார்.
DAP தலைவரும், பினாங்கு முதலமைச்சராகவும் Lim Guan Eng இருந்தபோது அவர் நீதிமன்றத்தில் குற்றஞ்சாட்டப்பட்டார். அவர் பதவி விலக வேண்டும் என 15ஆண்டு காலம் பினாங்கின் இரண்டாவது துணை முதலமைச்சராக அப்போது இருந்த ராமசாமி ஏன் கோரிக்கை விடுக்கவில்லையென Teo Nie ching கேள்வி எழுப்பினார். இப்போது மட்டும் அவரது நிலையில் ஏன் மாற்றம் ஏற்பட்டுள்ளது. DAP யிலிருந்த வெளியேறிவிட்டதால் Hanna Yeoh பதவி துறக்க வேண்டும் என அவர் விரும்புகிறாரா என Teo Nie Ching கேள்வி எழுப்பினார். இந்த விவகாரம் தொடர்பில் தற்காலிக விசாரணை நடத்தியதாகவும் எந்தவொரு தவறையும் தாங்கள் கண்டறியவில்லையென MACCயின் தலைமை ஆணையர் Azam Baki நேற்று தெரிவித்திருந்தார்.
