கோலாலம்பூர், செப்டம்பர்-27,பள்ளிக்கூட சிற்றுண்டிச்சாலை பெண் பணியாளர் ஒருவர், ஏழ்மை நிலையிலுள்ள மாணவருக்குச் செய்த உதவி தொடர்பான செய்தி சமூக வலைத்தளங்களில் பகிரப்பட்டு மலேசியர்களின் நெஞ்சங்களை நெகிழ வைத்துள்ளது.
Kak Zira என அழைக்கப்படும் அந்த ஊழியர், பள்ளி இடைவேளையின் போது உணவு வாங்கப் பணமின்றி கணினி ஆய்வுக் கூடத்திற்குப் பின்னால் தனியாக அமர்ந்திருந்த இந்திய மாணவனைக் கவனித்து, அவனுக்கு தினமும் இலவசமாக உணவு வழங்கி வந்துள்ளார்.
பள்ளி கூட்டுறவு தினத்தின் போது (Hari Koperasi), அந்த மாணவன் தனது நண்பர்களோடு மகிழ்ந்திருக்க வேண்டும் என்பதற்காக அவனுக்குச் செலவுக்குப் பணத்தையும் கொடுத்த அவர், “பணம் பற்றாவிட்டால் வந்து என்னிடம் கேளுங்கள்” என்று அன்புடன் கூறியுள்ளார்.
இனம், பின்னணி பாராமல் மனிதநேயத்துடன் உதவிய Kak Zira-வின் இந்தச் செயலை வலைத்தளவாசிகள் வெகுவாகப் பாராட்டி வருகின்றனர்.
