இஸ்கந்தர் புத்ரி, மார்ச் 4 – Sultan Iskandar சுங்க, குடிநுழைவு மற்றும் தனிமைப்படுத்தும் மையத்தின் கட்டிட வளாகத்தின் மூலமாக மலேசியாவுக்குள் சட்டவிரோதமாக நுழைய முயன்ற சிங்கப்பூர் ஆடவன் ஒருவன் கைது செய்யப்பட்டான். 50 வயது மதிக்கத்தக்க அந்த ஆடவன் மலேசியாவில் பதிவு செய்யப்பட்ட கார் Boot ட்டிற்குள் ஒளிந்துகொண்டிருந்தாகவும் டிசம்பர் 13 ஆம் தேதி மாலை மணி 3.30 அளவில் கைது செய்யப்பட்டதாக Johor சுங்கத்துறையின் இயக்குநர் Aminul Izmeer Mohd Sohaimi தெரிவித்தார். பரிசோதனைக்காக அக்கார் நிறுத்தப்பட்டிருந்தது. காரின் பின்புறம் எடை அதிகமாக இருந்ததால் கார் Boot ட்டை நாங்கள் திறந்தபோது அதற்குள் ஆடவன் ஒளிந்திருப்பதை கண்டோம். அந்த ஆடவனை கைது செய்தபோது அவனிடம் எந்தவொரு பயண ஆவணங்களும் இல்லையென Aminul கூறினார்.
அந்த நபருக்கு உதவிய மலேசியாவைச் சேர்ந்த 20 வயதுக்குட்பட்ட இரண்டு பெண்களும் கைது செய்யப்பட்டனர். சட்டவிரோதமாக மலேசியாவுக்குள் கொண்டுச் செல்வதற்காக அந்த இரு பெண்களுக்கும் அந்த சிங்கப்பூர் ஆடவன் 3,000 சிங்கப்பூர் டாலர் அல்லது 10,555 மலேசிய ரிங்கிட் வழங்கியிருப்பதும் விசாரணையில் தெரியவந்ததாக Aminul கூறினார். அந்த ஆடவருக்கு சில சட்ட விவகாரம் இருப்பதால் சிங்கப்பூர் குடியரசு கடப்பிதழை விநியோகிக்கவில்லை . அந்த மூவரும் 1959 மற்றும் 1963ஆம் ஆண்டு குடிநுழைவு சட்டம் மற்றும் ஆள்கடத்தலுக்கு எதிராக மற்றும் குடியேற்றக்காரரை கடத்தியதாக ஜோகூர் பாரு நீதிமன்றத்தில் குற்றஞ்சாட்டப்பட்டனர்.
