கோலாலம்பூர், நவ 27 – வெப்ப மண்டல சென்யார் ( Senyar) புயல் மலாக்கா நீரிணை கடற்பகுதியின் வடக்கை நோக்கி நகர்ந்து, தீபகற்பம் முழுவதும் மேற்கு நோக்கி நகர்ந்து வருவதால் , குறிப்பாக மேற்கு மற்றும் மத்திய மாநிலங்களில் இன்று முதல் தொடர்ந்து கடும் மழை, பலத்த காற்று மற்றும் கடல் கொந்தளிப்பான அபாயத்தைக் கொண்டுவருகிறது.
சுமத்ராவின் வடக்கேயும், பேராக்கின் Lumutலிருந்து தென்மேற்கே 102 கிலோமீட்டர் தொலைவிலும் மணிக்கு 24 கிலோமீட்டர் வேகத்தில் நகர்ந்த புயல் கண்டறியப்பட்டதாக வானிலை ஆய்வுத் துறையான (MetMalaysia) தலைமை இயக்குநர் ஹிஷாம் அனிப் ( Hisham Anip ) தெரிவித்தார்.
கெடா, பினாங்கு, பேராக், பஹாங், சிலாங்கூர், கோலாலம்பூர், புத்ராஜெயா, நெகிரி செம்பிலான், மலாக்கா மற்றும் ஜோகூரில் வெப்பமண்டல புயல், தொடர்ச்சியான மழை , பலத்த காற்று மற்றும் கடல் கொந்தளிப்பான எச்சரிக்கைகளை MetMalaysia வெளியிட்டுள்ளது.
இன்று முதல் சனிக்கிழமை நவம்பர் 29ஆம் தேதிவரை இந்த நிலை நீடிக்கும் என அறிவிக்கப்பட்டுள்ளது.
