கோலாலம்பூர், மார்ச் 7 – ஜக்கிய அரபு சிற்றரசு துபாயில், நேற்று நடைபெற்ற எட்டாவது Para Fazza அம்பெய்தும் உலக தரவரிசை சாம்பியன்ஷிப் போட்டியில் வெள்ளிப் பதக்கத்தை வென்றதன் மூலம், தேசிய அம்பெய்தும் தடகள வீரர் G Daneshen, 2024 பாரிஸ் பாராலிம்பிக் விளையாட்டுப் போட்டிக்கு தகுதி பெற்ற மூன்றாவது தேசிய அம்பெய்தும் வீரராக பெயர் பதித்துள்ளார்.
26 வயது Danes, பாராலிம்பிக் தகுதி சுற்றின், இறுதிப் போட்டியில், ஆஸ்திரியாவின் அம்பெய்தும் வீரர் Michael Meierpada-ரிடம் 133-143 என்ற புள்ளிக் கணக்கில் தோல்வியுற்று இரண்டாவது இடத்தை பிடித்தார்.
முன்னதாக, உலக தரவரிசையில் 32-வது இடத்தை வகிக்கும் Danes, கடந்த உலக தகுதிச் சுற்று போட்டியின், அரையிறுதிச் சுற்றில், தாய்லாந்தை சேர்ந்த Sakon Inkaew-வ்வை 140-139 மற்றும் கால் இறுதியில், தைவானின் Wu Chung Hung-கை 138-136 என்ற புள்ளிகளின் வென்றார் என்பது குறிப்பிடத்தக்கது.
S.Suresh, Nur Jannaton Abd Jalil ஆகியோரை அடுத்து, 2024 Paris பாராலிம்பிக் போட்டிக்கு தகுதி பெற்ற நாட்டின் மூன்றாவது அம்பெய்யும் வீரராக தனேஷ் திகழ்கிறார்.
