புத்ராஜெயா, செப்டம்பர்-22,புதியத் தலைமுறை MyKad அடையாள அட்டையைத் துல்லியமாக அடையாளம் காணும் வகையில், அரசு மற்றும் தனியார் துறைகளின் _reader_ கருவிகள் மற்றும் கணினி அமைப்புகள் தற்போது மேம்படுத்தப்பட்டு வருவதாக தேசியப் பதிவிலாகா JPN தெரிவித்துள்ளது.
புதிய அடையாள அட்டையைப் பெற்ற சில பயனர்களின் அட்டைக் குறியீடுகளை, வங்கி மற்றும் அரசு சேவை மையங்களில் உள்ள பழைய _reader_ கருவிகளால் உடனடியாகப் படிக்க முடியவில்லை என்ற புகார்கள் எழுந்த நிலையில், இவ்விளக்கம் அளிக்கப்பட்டுள்ளது.
போலி அடையாள அட்டை தயாரிப்பு மற்றும் தரவு முறைகேடுகளைத் தடுக்கும் வகையில், மிக நவீன பாதுகாப்பு அம்சங்கள் மற்றும் _polycarbonate_ தொழில்நுட்பத்துடன் இந்தப் புதிய MyKad தயாரிக்கப்பட்டுள்ளது.
அனைத்துப் வாடிக்கையாளர் மையங்களும் தங்களின் கணினி அமைப்புகளைப் புதுப்பித்துக் கொள்வதற்கான தொழில்நுட்ப வழிகாட்டல்கள் ஏற்கனவே வழங்கப்பட்டுள்ளதாகவும் JPN கூறியது.
கணினி அமைப்புகளின் மேம்பாட்டுப் பணிகள் முழுமையடையும் வரை, நேரடி ஆவண சரிபார்ப்பு முறைகள் மூலம் பொது மக்களுக்கான சேவைகள் தடையின்றி வழங்கப்படும் என்றும் JPN உத்தரவாதம் அளித்துள்ளது.
