கோலாலம்பூர், ஜன 21 – மலாய்க்காரர்கள் ஒற்றுமையாக இருக்காவிட்டால் அடுத்த பத்தாண்டுகளுக்குள் அழிந்துபோகும் அபாயம் இருப்பதாக முன்னாள் பிரதமர் துன் டாக்டர் மகாதீர் முகமட் கவலை தெரிவித்துள்ளார். மலாய் சமூகத்தின் தலைவிதிக்கு போதுமான கவனம் செலுத்தப்படாவிட்டால், அடிபணியக்கூடிய சாத்தியம் இருப்பதாகவும் அவர் எச்சரித்தார். பெர்டானா தலைமைத்துவ அறவாரியத்தின் “பங்கோர் ஒப்பந்தத்தின் 150வது ஆண்டு நிறைவில் இருந்து பாடங்கள்” என்ற தலைப்பில் நடைபெற்ற அமர்வின் போது, மலாய்க்காரர்களின் சவால்களை எதிர்கொள்ள நடவடிக்கை எடுக்க வேண்டியதன் அவசியத்தை டாக்டர் மகாதீர் வலியுறுத்தினார். ரியாவ் தீவுகள் , சிங்கப்பூர் மற்றும் பினாங்கு உட்பட வடக்கில் நான்கு மாநிலங்களின் இழப்பை அவர் எடுத்துரைத்தார். மலாய்க்காரர்கள் தகுந்த நடவடிக்கைகளை எடுக்க வேண்டுமென அவர் வலியுறுத்தினார்.
இதை உணர்ந்தால், தகுந்த நடவடிக்கை எடுங்கள். என்ன செய்ய முடியும் என்பது எங்களுக்குத் தெரியும். உதாரணமாக, மலாய்க்காரர்களைப் பற்றி பேசாத பிரதிநிதிகள் இருந்தால், அவர்கள் பேச வேண்டும் என்று நாங்கள் விரும்புகிறோம். நாம் போரின்றி மற்ற இனங்களால் அடிபணிவது போல் இருக்கிறோம். இந்த செய்தியை நாம் தெரிவிக்க வேண்டும்” என்று டாக்டர் மகாதீர் கூறினார். மலாய்க்காரர்களிடையே அதிக ஒற்றுமைக்கான தனது நம்பிக்கையை வெளிப்படுத்திய டாக்டர் மகாதீர், சீனர்களுடன் ஒப்பிடுகையில் மலாய்க்காரர்களிடையே தேர்தல்களில் குறைந்த வாக்காளர்கள் வாக்களித்ததைக் குறிப்பிட்டார். சீனர்கள் 98 சதவிகிதம் வெளியே வந்தபோது மலாய்க்காரர்கள் 65 சதவிகிதம் மட்டுமே வாக்களித்தனர். அதுதான் உண்மை என்று அவர் சுட்டிக்காட்டினார்.
