
கோலாலம்பூர், நவம்பர்-22 – உள்ளூர் தமிழ்த் திரையுலகிற்குப் பெருமை சேர்க்கும் வகையில், 35-ஆவது மலேசியத் திரைப்பட விழாவில் உள்நாட்டுத் தமிழ்த் திரைப்படங்கள் 3 விருதுகளை வென்று முத்திரை பதித்துள்ளன.
நேற்று நடைபெற்ற FFM35 விருதளிப்பு விழாவில், MACAI திரைப்படம் 2 முக்கிய விருதுகளைத் தட்டிச் சென்றது.
அப்படத்தில் நடித்த குபேன் மகாதேவன், சிறந்த துணை நடிகருக்கான விருதை வென்று பெருமை சேர்த்தார்.
அதே திரைப்படத்திற்காக Sun-J பெருமாள் மற்றும் சிவானந்தம் பெரியண்ணன் ஆகியோர் சிறந்த மூலக்கதைக்கான விருதை வென்றனர்.
இதனிடையே, BLUES திரைப்படத்திற்காக SKYZEN STUDIOS நிறுவனம் சிறந்த திரைப்படப் போஸ்டருக்கான விருதைப் பெற்றது.
மொத்தமாக 6 பிரிவுகளில் முன்மொழியப்பட்ட MACAI இரண்டு விருதுகளையும், BLUES திரைப்படம் ஒரு விருதையும் வென்றுள்ளன.
இந்தியாவில் ஆண்டுதோறும் வழங்கப்படும் தேசிய விருதுகள் போல், மலேசியாவின் இந்த பிரதான தேசியத் திரைப்பட விருது விழாவில், தமிழ்த் திரைப்படங்கள் 3 விருதுகளை வென்றிருப்பது, உள்நாட்டுத் தமிழ்த் திரைப்படக் கலைஞர்களின் திறமைக்கும் படைப்பாற்றலுக்கும் கிடைத்துள்ள முக்கிய அங்கீகாரமாகும்…



