தாப்பா, நவ 24 – தாப்பா ,Jalan Gunung Batu Putih – Hutan Lipur Kuala Woh வில் லோரி கவிழ்ந்து 5 மீட்டர் பள்ளத்தில் விழுந்து விபத்துக்குள்ளானதில், பேராக் மாநில வனத்துறை ஊழியர்கள் 12 பேரும் மலை வழிகாட்டி ஒருவரும் காயமடைந்தனர்.
ஞாயிற்றுக்கிழமை பிற்பகல் மணி 2.30 அளவில் நடந்த இந்த சம்பவத்தில், Gunung Batu Putih பகுதியைச் சுற்றி அறிவிப்பு பலகைகளை நிறுவிய பின்னர், 11 பேரை ஏற்றிக்கொண்டு வீடு திரும்பிக் கொண்டிருந்த 30 வயதுடைய ஒருவரால் லோரி ஓட்டிச் செல்லப்பட்டபோது இந்த சம்பவம் நிகழ்ந்தது.
அப்போது கனத்த மழை பெய்து கொண்டிருந்ததால் , குறுகிய மற்றும் வழுக்கும் கீழ்நோக்கிய பாதை காரணமாக லாரியின் இடது டயர் சாலையிலிருந்து நழுவியதாக முதற்கட்ட விசாரணையில் கண்டறியப்பட்டது என தாப்பா மாவட்ட போலீஸ் தலைவர் Superintenden ஜொஹாரி யஹ்யா ( Johari Yahya) தெரிவித்தார்.
லோரி கட்டுப்பாட்டை இழந்து சாலையின் இடதுபுறம் சறுக்கி பல முறை சுழன்று பின்னர் ஒரு பள்ளத்தாக்கில் விழுந்தது. சம்பவ இடத்திற்கு வந்த பொதுமக்கள் மற்றும் தீயணைப்பு வீரர்களின் உதவியுடன் பாதிக்கப்பட்ட அனைவரும் வெளியே கொண்டு வரப்பட்டனர்.
காயம் அடைந்த அனைவரும் சிகிச்சைக்காக தாப்பா மருத்துவமனைக்கு
அனுப்பிவைக்கப்பட்டனர்.
