ஈப்போ, ஜூன் 23 – பேராக் மாநிலத்தின் கிந்தா மாவட்டத்தில் உள்ள ஒரு இடைநிலைப் பள்ளியில் 13 வயது முதலாம் படிவ மாணவர் ஒருவர் பள்ளிக் கட்டிடத்திலிருந்து தவறி விழுந்து காயமடைந்த சம்பவம் அதிர்ச்சியை ஏற்படுத்தியுள்ளது.
மாணவர் கட்டிடத்தின் உயரமான பகுதியிலிருந்து தவறி கீழே விழுந்ததாக ஆரம்ப தகவல்கள் கூறுகின்றன. உடனடியாக பள்ளி நிர்வாகம் மற்றும் ஆசிரியர்கள் விரைந்து செயல்பட்டு, மாணவருக்கு அவசர உதவி அளித்து, அவரை மருத்துவமனைக்கு அனுப்பி வைத்தனர்.
அம்மாணவர் தற்போது மருத்துவர்களின் தீவிர கண்காணிப்பில் உள்ளதாக தெரிவிக்கப்பட்டுள்ளது. விபத்து எவ்வாறு நிகழ்ந்தது என்பது குறித்து இதுவரை தெளிவான தகவல் வெளியாகவில்லை.
இதனிடையே, சம்பவம் குறித்து போலீசார் மற்றும் கல்வி அதிகாரிகள் விசாரணையைத் தொடங்கியுள்ளனர். பாதுகாப்பு நடைமுறைகள் சரியாக பின்பற்றப்பட்டதா என்பது குறித்து அதிகாரிகள் ஆய்வு செய்து வருகின்றனர்.
