பெட்டாலிங் ஜெயா, நவம்பர் 6 – முன்னாள் பிரதமர் டத்தோஸ்ரீ நஜிப் ரசாக்கின் எஞ்சிய சிறைத் தண்டனையை வீட்டுக் காவலில் கழிக்கும் நடைமுறையை, சட்ட ரீதியான மறுஆய்வு முடியும் வரை ஒத்திவைக்க வேண்டுமென AGC அலுவலகம் பரிந்துரைத்துள்ளது.
நஜிப்பிற்கு வழங்கப்பட்ட நிபந்தனை அடிப்படையிலான அரச மன்னிப்பு மற்றும் நீதிமன்றத்தின் விடுதலை உத்தரவு தொடர்பாகச் சிக்கலான சட்டக் கேள்விகள் இருப்பதால், தெளிவான விளக்கம் தேவைப்படுவதாக AGC தெரிவித்துள்ளது.
மேலும், 5 கோடி ரிங்கிட் அபராதம் செலுத்தப்பட்டிருந்தாலும், அவரது சிறைத் தண்டனை 2028ஆம் ஆண்டு ஆகஸ்ட் 23ஆம் தேதி வரை அமலில் இருப்பதாகவும் விளக்கியது.
இந்த வீட்டுக் காவல் ஏற்பாடு, 1MDB வழக்கில் நஜிப்பிற்கு விதிக்கப்பட்டுள்ள 15 ஆண்டு சிறைத் தண்டனையிலும் தாக்கத்தை ஏற்படுத்தக்கூடும் என்பதால், இந்த விவகாரம் மேலும் ஆராயப்பட வேண்டுமென AGC குறிப்பிட்டுள்ளது.
