பினாங்கு, நவம்பர் 25 – கடந்த ஞாயிற்றுக்கிழமை, பினாங்கு தண்ணீர்மலை ஸ்ரீ கணேசர் ஆலயத்தின் மகா கும்பாபிஷேக பெருவிழா மிக விமரிசையாக நடைபெற்றது.
அரசியல் கட்சி, இனம் மற்றும் மதம் என எவ்வித பாகுபாடுகளுமின்றி நாட்டிலுள்ள பெரும்பான்மையான தலைவர்கள் குறிப்பாக நிதித்துறை துணை அமைச்சரும் பினாங்கு தஞ்சோங் MP-யுமான ‘LIM HUI YING’, ஜெலுத்தோங் நாடாளுமன்ற உறுப்பினரும் பினாங்கு இந்து அறப்பணி வாரிய தலைவருமான RSN. ராயர், தாப்பா நாடாளுமன்ற உறுப்பினரும், ம.இ.கா வின் துணைத்தலைவருமான எம். சரவணன், திருப்பணி குழு ஆலோசகர் டத்தோ ஸ்ரீ குமரேந்திரா, ஆலய நிர்வாக தலைவர் குமார திரவியம் உட்பட மேலும் பல பிரமுகர்கள் கலந்து கொண்டனர்.
உயர்திரு பிச்சை குருக்கள் தலைமையில் நடந்தேறிய அன்னை மகனாம் விநாயக மூர்த்தியின் இந்த பெருவிழாவிற்கு எதிர்பார்த்ததை விட நாடு முழுவதிலும் இருந்து சுமார் 5000 க்கும் மேற்பட்ட பக்த மெய்யன்பர்கள் கலந்து கொண்டு சிறப்பித்தனர் என்று கூறி RSN.ராயர் பெருமிதமடைந்தார்.
அதே நேரத்தில் கடந்த பிப்ரவரி மாதம் தொடங்கிய இந்த ஆலய திருப்பணி சுமார் 8 மாத காலத்திலேயே முடிவுற்று கும்பாபிஷேகமும் நிறைவடைந்தது சிறப்பான ஒன்று என குறிப்பிட்டார் ஆலய திருப்பணி குழு ஆலோசகர்.
இந்த இனிய வேளையில், ஆலயத்திற்கு பொருளுதவியும் பணவுதவியும் வழங்கி ஆதரவு தெரிவித்த அனைத்து நல்லுள்ளங்களுக்கும் ஆலய நிர்வாகம் தங்களது உளமார்ந்த நன்றியைத் தெரிவித்து கொண்டது.
