பேங்கோக், ஆகஸ்ட்-18 – தாய்லாந்து முன்னாள் பிரதமர் தக்சின் ஷினாவாட்டுக்கு (Thaksin Shinawatra) அரச மன்னிப்பு வழங்கப்பட்டுள்ளது.
இதையடுத்து அவருக்கான நிபந்தனையுடன் கூடிய விடுதலை (parol) இன்றுடன் (ஆகஸ்ட் 18) முடிவுக்கு வருகிறது.
ஆகஸ்ட் மாத இறுதியில் parol முடிவடையவிருந்த நிலையில், தாய்லாந்து மன்னரின் பிறந்தநாளை ஒட்டி நன்னடத்தை அடிப்படையில் தக்சின் அரச மன்னிப்பைப் பெற்றுள்ளார்.
பதவி வீழ்த்தப்பட்ட பிறகு சுமார் 15 ஆண்டுகள் நாடு கடந்து வாழ்ந்து வந்த தக்சின், கடந்தாண்டு தாயகம் திரும்பினார்.
அதிகார முறைகேடு உள்ளிட்ட குற்றங்களுக்காக அவர் 8 ஆண்டுகள் சிறைத்தண்டனை விதிக்கப்பட்டிருந்தார்.
தக்சினின் 37 வயது இளைய மகள் பெத்தோங்டார்ன் ஷினாவாட் (Paetongtarn Shinawatra) அந்நாட்டின் புதியப் பிரதமராகத் தேர்ந்தெடுக்கப்பட்டுள்ளதும் குறிப்பிடத்தக்கது.
