மும்பை, ஆகஸ்ட்-20-இந்தியா, மஹாராஷ்ட்ராவில் அறுவை சிகிச்சை மூலம் பிரசவம் பார்த்தபோது, மருத்துவர்கள் பெண்ணின் வயிற்றினுள்ளேயே கையுறைகளையும் துடைப்பான்களையும் வைத்து தைத்த அதிர்ச்சி சம்பவம் பெரும் பரபரப்பை ஏற்படுத்தியுள்ளது.
மாவட்ட அரசு மருத்துவமனையில் கடந்த ஆகஸ்ட் ஒன்றாம் தேதி சந்தியா சூரஜ் என்ற 19 வயது பெண்ணுக்கு அறுவை சிகிச்சை முறையில் குழந்தை பிறந்தது.
4 நாட்களுக்குப் பிறகு வீடு திரும்பிய நிலையில், அவருக்கு கடுமையான வயிற்று வலி ஏற்பட்டது.
தனியார் மருத்துவமனையில் மேற்கொள்ளப்பட்ட _scan_ சோதனையில், அவரது வயிற்றில் வெளிப்பொருட்கள் இருப்பது தெரியவந்தது.
இதையடுத்து, மருத்துவமனையில் அனுமதிக்கப்பட்ட அவருக்கு அவசர அறுவைசிகிச்சை செய்யப்பட்டு, மருத்துவர்கள் மறதியாக விட்டுச்சென்ற அறுவை சிகிச்சை கையுறைகளும் காகிதத் துடைப்பான்களும் அகற்றப்பட்டன.
எனினும், தற்போது அப்பெண்ணின் நிலைமை கவலைக்கிடமாக உள்ளது.இதையடுத்து, சம்பந்தப்பட்ட மருத்துவர் மற்றும் பணியாளர்களுக்கு நோட்டீஸ் அனுப்பப்பட்டுள்ளது.
தவறு உறுதிச் செய்யப்பட்டால் கடும் ஒழுங்கு நடவடிக்கை எடுக்கப்படும் என சுகாதாரத்துறை உறுதியளித்துள்ளது.
