சென்னை, டிச 29 – மறைந்த தே.மு.தி.க தலைவரும் நடிகருமான விஜயகாந்தின் உடல் பொதுமக்கள் அஞ்சலி செலுத்துவதற்காக இன்று மதியம் 1 மணிவரை சென்னை தீவுத் திடலில் வைக்கப்படவுள்ளது. அதன்பிறகு அவரது இறுதி ஊர்வலம் தொடங்கும் . தீவுத் திடலில் இருந்து விஜயகாந்த் உடல் மீண்டும் கோயம்பேட்டில் உள்ள தே.மு.தி.க தலைமை அலுவலகத்திற்கு கொண்டுச் செல்லப்படும். அங்கு மாலை மணி 4.45க்கு அவரது இறுதிச் சடங்கு நடைபெறும் . தமிழக அரசின் முழு அரசாங்க மரியாதையுடன் அவரது இறுதிச் சடங்கு நடைபெறும். இந்திய நிதியமைச்சர் நிர்மலா சீதாராமன் , இன்று மதியம் விஜயகாந்ந் நல்லுடலுக்கு நேரில் வந்து அஞ்சலி செலுத்துவார் என்றும் அறிவிக்கப்பட்டுள்ளது. 150 படங்களுக்கும் மேல் நடித்து ரசிகர்களின் மனதில் இடம்பிடித்த நடிகர் விஜயகாந்த் நேற்று காலை இறந்தார்.
