கோலாலம்பூர், பிப் 23 – Batu Puteh மீதான அரச விசாரணையில் கலந்து கொள்ள மறுத்தால் முன்னாள் பிரதமர் டாக்டர் மகாதீர் கைது செய்யப்படலாம் என்று வழக்கறிஞர் ஒருவர் கூறியிருக்கிறார். 1950 ஆம் ஆண்டின் விசாரணை ஆணையத்தின் சட்டத்தின் 8ஆவது விதியின் கீழ் , சாட்சிகளை நேரில் ஆஜராகும்படி உத்தரவிடும் அதிகாரம் அரச விசாரணை ஆணையர்களுக்கு இருபபதாக வழக்கறிஞர் S.N நாயர் தெரிவித்தார். அரச விசாரணையில் பங்கேற்கும்படி எந்தவொரு நபருக்கும் ஆணையம் உத்தரவிட முடியும்.
Batu Puteh தீவு விவகாரம் தொடர்பான விசாரணையில் இரண்டு முறை பிரதமராக இருந்துள்ள டாக்டர் மகாதீர் முக்கிய சாட்சியாக திகழ்வார் என இதற்கு முன் இரண்டு அரச விசாரணை குழுவில் சாட்சியாக பிரதிநிதித்துள்ள S.N நாயர் சுட்டிக்காட்டினார். Batu Puteh மீதான அரச விசாரணைக் குழுவின் தலைவராக முன்னாள் தலைமை நீதிபதி Raus Sharif இருக்கும்வரை விசாரணையில் மகாதீர் பங்கேற்கமாட்டார் என அவரது வழக்கறிஞர் Rafique Rashid Ali கூறியிருந்தது குறித்து Nair வெளியிட்ட கருத்தில் இதனை தெரிவித்துள்ளார்.
