பத்து பஹாட், மார்ச் 4 – வடக்கு – தெற்கு நெடுஞ்சாலையின் 112.6ஆவது கிலோமீட்டரில் தங்களது MPV விபத்துக்குள்ளானதில் வர்த்தகர் ஒருவர் மரணம் அடைந்ததோடு ஏழு மாத குழந்தை உட்பட அவரது குடும்பத்தைச் சேர்ந்த அறுவர் காயம் அடைந்தனர். Yong peng மற்றும் Pagoh வுக்கு செல்லும் சாலையில் ஞாயிற்றுக்கிழமை இரவு மணி 8.55 அளவில் அந்த விபத்து நிகழ்ந்ததாக Batu Pahat OCPD துணை கமிஷனர் Ismail Dollah தெரிவித்தார். கெந்திங் மலையிலிருந்து Endau வை நோக்கி தமது MPV வாகனத்தை 40 வயதுடைய NG Chee Keong என்பவர் ஓட்டிச் சென்றுள்ளார். திடீரென அந்த வாகனம் கட்டுப்பாட்டை இழந்ததைத் தொடர்ந்து சாலையின் தடுப்பில் மோதியபின் தலைகுப்புற கவிழ்ந்தது. தலையில் கடுமையாக காயத்திற்குள்ள NG Chee Keong விபத்து நிகழ்ந்த இடத்திலேயே மரணம் அடைந்தார்.
அந்த MPV வாகனத்திற்குள் NG Chee Keong பின் 31 வயது மனைவி, அவரது 55 வயதுடைய மாமியார், ஆறு முதல் 14 வயதுடைய மூன்று பிள்ளைகள் மற்றும் குழந்தை என ஆறு பயணிகள் இருந்ததாக ACP Ismail தெரிவித்தார். அவர்கள் அனைவரும் சொற்ப அளவில் காயம் அடைந்ததால் Sultanah Norah Ismail மருத்துவமனையில் சிகிச்சை பெற்றனர்.
