
ஷா ஆலாம், நவம்பர் 16 – வெள்ளத்தால் பாதிக்கப்பட்ட சிறு வியாபாரிகள் மற்றும் சாலையோர வியாபாரிகளுக்கு உதவிகளை வழங்குவது குறித்து சிலாங்கூர் மாநில அரசு பரிசீலித்து வருவதாக அதன் மந்திரி பெசார் டத்தோ ஸ்ரீ அமிருடின் ஷாரி (Datuk Seri Amirudin Shari) தெரிவித்தார்.
குறிப்பாக, குவாலா சிலாங்கூர் பகுதியில் வெள்ளத்தால் பாதிக்கப்பட்ட வியாபாரிகளின் இழப்புகள் மற்றும் தேவைகள் குறித்த விரிவான தகவல்களைச் சேகரித்த பின்னர், அவர்களின் மாதாந்திர நிதிச் சுமையைக் குறைக்கும் வகையில் உதவிகள் வழங்கப்படும் என்றார்.
இதற்கிடையில், வெள்ளத்தால் பாதிக்கப்பட்ட குடும்பத் தலைவர்களுக்கு மத்திய அரசின் உதவியுடன், மாநில அரசு அறிவித்த கூடுதலான 500 ரிங்கிட் நிதியுதவியையும் விரைவாக வழங்க நடவடிக்கை எடுக்கப்படும் என்றும் அவர் தெரிவித்தார்.



