ஜோகூர் பாரு, நவம்பர்-27 – ஜோகூர் பாருவில் போலீஸார் நடத்திய சோதனையில், சுற்றுப்பயணிகள் போல வந்த வெளிநாட்டவர்கள் மோசடி கும்பலாக செயல்பட்டது வெளிச்சத்துக்கு வந்துள்ளது.
ஜோகூர் பாரு மற்றும் தாமான் மோலேக்கில் சட்டவிரோதமாக இயங்கி வந்த 3 வாடிக்கையாளர் சேவை மையங்களில் அச்சோதனை மேற்கொள்ளப்பட்டதில் 20 பேர் கைதுச் செய்யப்பட்டனர்.
அவர்களில் 14 சீன பிரஜைகள், 4 வியட்நாமியர்கள், 2 மியன்மார் நாட்டவர் அடங்குவர்.
கவர்ச்சிக்கரமான சம்பள வாக்குறுதியுடன் அவர்கள் ஆடம்பர குடியிருப்புகளில் தங்கவைக்கப்பட்டு, மோசடிக்காரர்களாக பயிற்றுவிக்கப்பட்டுள்ளனர்.
பின்னர் போலி முதலீடு மற்றும் கிரிப்தோகரன்சி திட்டங்கள் மூலம் இங்கிருந்தவாறே, சீனாவில் பணி ஓய்வுபெற்றவர்களை அவர்கள் மோசடி செய்து ஏமாற்றி வந்துள்ளனர்.
சந்தேக நபர்கள் வெளியில் செல்லாமலிருக்க, அவர்களின் கடப்பிதழ்களை பறிமுதல் செய்த கும்பல் பொறுப்பாளர்கள், வீட்டிலேயே சமையல்காரரை வேலைக்கு வைத்துள்ளதும் அம்பலமானது.
கைப்பேசிகள், மடிக்கணினி மற்றும் மோசடிக்கு பயன்படுத்தப்பட்ட சாதனங்களும் பறிமுதல் செய்யப்பட்டுள்ளன.
