புத்ராஜெயா, செப்டம்பர்-18,மின்சாரக் கட்டணத்தில் இருந்து மக்களுக்கு நிவாரணம் அளிக்கும் வகையில், மின் மானியப் பாதுகாப்பை அரசாங்கம் விரிவுபடுத்தியுள்ளது.
செப்டம்பர் முதல், மாதத்திற்கு 800 கிலோவாட்-மணி (kWh) வரை மின்சாரம் பயன்படுத்தும் வீடுகளுக்கு இந்த மானியப் பாதுகாப்பு நீட்டிக்கப்பட்டுள்ளது.இதற்கு முன் இந்த வரம்பு 600 கிலோவாட்-மணியாக இருந்தது.
எனினும், மக்களின் வாழ்க்கைச் செலவுச் சுமையைக் குறைப்பதற்காக இந்த நடவடிக்கை டிசம்பர் 31 வரை அமுலில் இருக்கும் என பிரதமர் டத்தோ ஸ்ரீ அன்வார் இப்ராஹிம் அறிவித்துள்ளார்.
விரிவாக்கப்பட்ட மானியத்தின் மூலம், தகுதிபெறும் வீடுகளுக்கு AFA எனப்படும் தானியக்க எரிபொருள் கட்டண சரிசெய்தல்,
சில்லறை விநியோகக் கட்டணங்கள் மற்றும்
விற்பனை – சேவை வரி (SST)
ஆகியவற்றிலிருந்து விலக்கு அளிக்கப்படும் என்றார் அவர்.
தற்போதைய வெப்பமான வானிலை மற்றும் புகைமூட்டம் காரணமாக, பல வீடுகளில் குளிரூட்டி பயன்பாடு அதிகரித்து மின் கட்டணம் உயர்ந்துள்ளதை அடுத்து இந்த நடவடிக்கை எடுக்கப்பட்டுள்ளது.
