கோலாலாம்பூர், ஜனவரி-14,
உலகளவில் மிகவும் சக்திவாய்ந்த கடப்பிதழ்களில் மலேசியா முதல் 10 இடங்களுக்குள் முன்னேறியுள்ளது.
2026 Henley Passport Index குறியீட்டின்படி, மலேசியக் கடப்பிதழ் தற்போது உலகில் 9-ஆவது இடத்தைப் பிடித்துள்ளது.
இதே கடந்தாண்டு மலேசியா 12-ஆவது இடத்தில் இருந்தது குறிப்பிடத்தக்கது.
இவ்வாண்டின் இரண்டாம் காலாண்டிற்குள் புதியக் கடப்பிதழை அறிமுகப்படுத்தவும், MyKad மறுவடிவமைப்பு செய்யவும் அரசாங்கம் தயாராகி வருவது, தரவரிசையில் மலேசியாவின் முன்னேற்றத்திற்குக் காரணமாகப் பார்க்கப்படுகிறது.
இது மலேசியாவின் அனைத்துலக அந்தஸ்தை உயர்த்துவதோடு, வலுவான தூதரக உறவுகளையும் உலகளாவிய இணைப்பையும் பிரதிபலிக்கிறது.
அப்பட்டியலில் ஆசிய நாடுகள் தொடர்ந்து முன்னிலை வகிப்பதும் கவனிக்கத்தக்கது.
உலகின் மிகவும் சக்திவாய்ந்தக் கடப்பிதழாக சிங்கப்பூர் கடப்பிதழ் முதலிடத்தைத் தக்க வைத்துக் கொண்டுள்ள நிலையில், ஜப்பானும் தென் கொரியாவும் இரண்டாம் இடத்தைப் பகிர்ந்துகொண்டுள்ளன.
டென்மார்க், லக்சம்பெர்க், ஸ்பெயின், சுவீடன், சுவிட்சர்லாந்து ஆகிய நாடுகள் மூன்றாம் இடத்தில் உள்ளன.
