கோலாலம்பூர், மே-21-நாளை தொடங்கி ஜூன் 7 வரை வரும் பள்ளி விடுமுறைக் காலம் மற்றும் பல முக்கிய பண்டிகைகளின் கொண்டாட்டங்களின் போது, கிழக்கு கடற்கரை நெடுஞ்சாலை 2 உட்பட நெடுஞ்சாலைகளில் போக்குவரத்து ஒரு நாளைக்கு 2.2 மில்லியன் வாகனங்களாக அதிகரிக்கும் என்று பிளஸ் நிறுவனம் எதிர்பார்க்கிறது.
அதே காலகட்டத்தில் Aidilada, விசாக தினம், மாட்சிமை தங்கிய பேரரசரின் பிறந்தநாள் ஆகிய இரட்டை விடுமுறைகளைத் தொடர்ந்து இந்த போக்குவரத்து அதிகரிப்பு ஏற்படும் என்று எதிர்பார்க்கப்படுகிறது.
அதிகபட்ச போக்குவரத்து நாட்களில் கிழக்கு கடற்கரை நெடுஞ்சாலை 2 இல் ஒரு நாளைக்கு 50,000 வாகனங்கள் வரை செல்லும் என்று எதிர்பார்க்கப்படுவதாக பிளஸ் நிறுவனம் இன்று வெளியிட்ட அறிக்கையில் குறிப்பிட்டுள்ளது.
கிள்ளான் பள்ளத்தாக்கிலிருந்து வெளியேறும் போக்குவரத்து மே 22, 23, 26, 28, 29, 30 மற்றும் 31 ஆகிய தேதிகளில் உச்சத்தை எட்டும் என்றும், கிளாங் பள்ளத்தாக்கிற்குத் திரும்பும் வாகனங்களின் எண்ணிக்கை ஜூன் 4 ஆம்தேதி முதல் ஜூன் 7ஆம்தேதிவரை அதிகமாக இருக்கும் என்றும் எதிர்பார்க்கப்படுகிறது.
எனவே தங்களது போக்குவரத்து ஏற்பாடுகளை முன்கூட்டியே திட்டமிடும்படி சாலை பயனர்களுக்கு ஆலோசனை கூறப்பட்டுள்ளது.
