கூச்சிங், பிப்ரவரி-23, சரவாக், கூச்சிங்கில் கார் நிறுத்துமிடமொன்றில் நிகழ்ந்த சண்டையில் சம்பந்தப்பட்டவர்களை போலீஸ் தேடுகிறது.
சம்பவத்தின் போது சிலர் வாக்குவாதத்தில் ஈடுபடுவதும், அவர்களில் ஒருவன் திடீரென காரில் இருந்து பாராங் கத்தியை எடுப்பதும், வைரலாகியுள்ள காணொலியில் தெரிகிறது.
இதையடுத்து சந்தேக நபர்கள் சிலர் அடையாளம் காணப்பட்டு, தேடுதல் வேட்டைத் தொடங்கியிருப்பதாக Padawan போலிஸ் தலைவர் Abang Zainal Abidin Ahmad கூறினார்.
அது குறித்து போலீசில் யாரும் புகார் செய்யவில்லை என்றாலும், Padawan குற்றப்புலனாய்வுத் துறையே விசாரணை நோக்கத்திற்காக புகாரைப் பதிவுச் செய்திருப்பதாக அவர் சொன்னார்.
1985-ஆம் ஆண்டு வெடிப்பொருட்கள் மற்றும் அபாயகர ஆயுதங்கள் சட்டத்தின் கீழ் அச்சம்பவம் விசாரிக்கப்படுகிறது.
