உத்தரப் பிரதேசம், நவம்பர் 28 – கடந்த சனிக்கிழமை, உத்தரப் பிரதேசத்தில் நடைபெற்ற திருமண விருந்தில், புதிதாக திருமணமான தம்பதியை ஆசீர்வதிக்க பாரதிய ஜனதா கட்சி (BJP) தலைவர்கள் மேடையேறியபோது திடீரென மேடை உடைந்து விழுந்த சம்பவம் பெரும் அதிர்ச்சியை ஏற்படுத்தியது.
இச்சம்பவத்தில் BJP தலைவர்களில் பலர் லேசான காயங்களுக்கு ஆளாகியதோடு மட்டுமல்லாமல் மேடையில் அமர்ந்திருந்த மணமக்களும் கீழே விழுந்தனர்.
அச்சம்பவம் தொடர்பான காணொளி சமூக வலைதளங்களில் அதிவேகமாக பரவி வரும் நிலையில் மேடை வெறும் ‘plywood’ களால் மட்டுமே அமைக்கப்பட்டிருந்ததென அனைவரும் கருத்து தெரிவித்து வருகின்றனர்.
அதனால்தான் ஒரே நேரத்தில் அனைவரும் மேடைக்கு வந்தபோது மேடை உடைந்து போனது என்றும் அதில் அதிர்ஷ்டவசமாக யாருக்கும் எவ்வித பெரிய காயங்களும் ஏற்படவில்லை என்றும் தெரிவிக்கப்பட்டது.
இந்நிலையில் வைரலாகி வரும் காணொளியின் கீழ் பலரும் பலவிதமான கருத்துக்களை பதிவிட்டு வருகின்றனர். அதிலும் “Heavyweight leaders” போன்ற நகைச்சுவை கருத்துகளும் பரவி வருகின்றன.
