பெட்டாலிங் ஜெயா, ஜூன்-28-பெட்டாலிங் ஜெயாவில் உள்ள வளாகம் ஒன்றில், ஷியா (Shia) கொள்கை சார்ந்த நடவடிக்கைகளில் ஈடுபட்டதாக சந்தேகிக்கப்படும் 200-க்கும் மேற்பட்ட வெளிநாட்டுப் பிரஜைகள் சுற்றிவளைக்கப்பட்டு விசாரணைக்கு உட்படுத்தப்பட்டுள்ளனர்.
ஷியா கொள்கையின் போதனைகள், நாட்டின் முதன்மையான இஸ்லாமிய நம்பிக்கை கோட்பாடு மற்றும் ஷரியா சட்டத் திட்டம் ஆகியவற்றுக்கு முரணாக இருப்பதன் காரணமாக நிராகரிக்கப்பட்டுள்ளது.
இந்நிலையில், கடந்த வியாழக்கிழமை, சிலாங்கூர் மாநில இஸ்லாமிய விவகாரத் துறையான JAIS, போலீஸ், குடிநுழைவு இலாகா உள்ளிட்ட 120 அதிகாரிகள் அடங்கிய கூட்டுப் படையினர், Pusat Perdagangan Lagoon Perdana-வில் உள்ள ஒரு வணிக வளாகத்தில் அதிரடிச் சோதனை நடத்தினர்.
இந்தச் சோதனையின் போது, பாகிஸ்தான், இந்தியா மற்றும் வங்களாதேசம் ஆகிய நாடுகளைச் சேர்ந்த 147 ஆண்கள், 51 பெண்கள் மற்றும் 28 குழந்தைகள் உட்பட மொத்தம் 226 வெளிநாட்டினர் அங்கு இருப்பது கண்டறியப்பட்டது.
உள்ளூர் இஸ்லாமிய ஃபத்வா (Fatwa) மற்றும் சட்டங்களுக்குப் புறம்பான கருத்துக்களைப் பரப்பிய குற்றச்சாட்டின் கீழ், சிலாங்கூர் ச
ஷரியா குற்றவியல் சட்டத்தின்படி JAIS இந்த விசாரணையைத் தொடங்கியுள்ளது.
இதற்கிடையில், சட்டவிரோதமாக வளாகத்தை மறுசீரமைப்பு செய்ததற்காக, அதன் உரிமையாளருக்கு 14 நாட்கள் அவகாசம் வழங்கி சுபாங் ஜெயா மாநகர மன்றம் MBSJ நோட்டீஸ் அனுப்பியுள்ளது.
உள்ளூர் இஸ்லாமிய சட்டங்களுக்கு முரணான கொள்கைகளில் பொது மக்கள் ஈடுபட வேண்டாம் என எச்சரித்துள்ள JAIS, இது தொடர்பான தகவல்களைத் தங்களின் hotline எண்ணுக்குத் தெரிவிக்குமாறு கேட்டுக்கொண்டுள்ளது.
