ஜோகூர் பாரு, ஜூன்-9-ஜோகூர் பாரு, தம்போயில் உள்ள அடுக்குமாடி குடியிருப்பின் 12-ஆவது மாடியிலிருந்து இரண்டு சிறுவர்கள் கீழே விழுந்த துயரச் சம்பவத்தில் 8 வயது சிறுமி உயிரிழந்துள்ளார்.
அவரின் 10 வயது அண்ணன் படுகாயங்களுடன் மருத்துவமனையில் அனுமதிக்கப்பட்டுள்ளார்.
ஞாயிற்றுக்கிழமை காலை 8.30 மணியளவில் இச்சம்பவம் குறித்து போலீஸுக்குத் தகவல் கிடைத்தது.
சம்பவ இடமான ஏழாவது மாடியில் சிறுமி பரிதாபமாக உயிரிழந்த வேளையில், ஆபத்தான நிலையிலுள்ள சிறுவனுக்கு தீவிர சிகிச்சை அளிக்கப்பட்டு வருகிறது.
இச்சம்பவத்தைத் தொடர்ந்து, சிறுவர்களின் தாயாரான 37 வயது வெளிநாட்டுப் பெண்மணியை ஜோகூர் போலீஸ் கைதுச் செய்துள்ளது.
தொடக்கக் கட்ட விசாரணையில், அவருக்குக் குற்றப் பின்னணி எதுவும் இல்லை என்பதும், போதைப்பொருள் பயன்பாடு இல்லை எனவும் தெரியவந்துள்ளது.
2001 சிறார் சட்டத்தின் கீழ், குழந்தைகளைப் பாதுகாப்பதில் அலட்சியமாக இருந்தது மற்றும் ஆபத்தில் கைவிட்டது ஆகிய பிரிவுகளின் கீழ் அப்பெண்ணிடம் விசாரணை நடத்தப்பட்டு வருகிறது.
வியாழக்கிழமை வரை 4 நாட்களுக்கு அவரைத் தடுத்து வைக்க போலீஸ் நீதிமன்ற உத்தரவைப் பெற்றுள்ளது.
