பெட்டாலிங் ஜெயா, ஜூலை 14 – பள்ளி சார்ந்த நடவடிக்கைகளைக் கடந்து, வெளி நடவடிக்கைகளில் அதிகம் பங்கேற்கும் ஆசிரியர்களின் எண்ணிக்கையில் வரம்புகளை நிர்ணயிப்பது குறித்து கல்வி அமைச்சு பரிசீலித்து வருவதாக கல்வி இயக்குநர் ஜெனரல் அசாம் அகமது கூறியுள்ளார்.
இதுபோன்ற நடவடிக்கைகளுக்காக ஒரே நேரத்தில் எத்தனை ஆசிரியர்கள் பள்ளிக்கு வெளியே இருக்க முடியும் என்பதை நாங்கள் விவாதிப்போம் என்று அவர் மேலும் உறுதியளித்துள்ளார்.
மேலும் ஆசிரியர்களுக்கு அதிக சுமையைத் தவிர்க்க, வெளிப்புற மற்றும் இணை பாடத்திட்ட நடவடிக்கைகளை சிறப்பாக ஒருங்கிணைக்க முதல்வர்கள் மற்றும் தலைமை ஆசிரியர்களையும் அவர் கேட்டுக்கொண்டுள்ளார்.
தொழில்முறைக்கு மாறான அல்லது கற்பித்தல் மற்றும் மாணவர் கற்றலுடன் தொடர்பில்லாத பணிகளை ஆசிரியர்கள் கைவிட வேண்டுமென்று அறிவுறுத்தப்பட்டுள்ளனர்.
