KITA @ Cybersouth-த்தின் வர்த்தக வளர்ச்சியை மேலும் வலுப்படுத்தும் வகையில், LBS Bina Group Berhad மற்றும் MYDIN நிறுவனத்திற்கிடையே குத்தகை ஒப்பந்தம் கையெழுத்தாகியுள்ளது.
இந்த ஒப்பந்தத்தின் மூலம் KITA @ Cybersouth நகரத்தில் MYDIN தனது முதல் சூப்பர் மார்க்கெட்டை அமைக்கவுள்ளது.
இதன் மூலம் அப்பகுதி மக்கள் மளிகைப் பொருட்கள், உணவுப் பொருட்கள் மற்றும் அன்றாட வீட்டுத் தேவைகளுக்கான பொருட்களை ஒரே இடத்தில் எளிதாகப் பெறும் வசதி உருவாகவுள்ளது.
KITA @ Cybersouth பகுதியில் குடியிருப்பாளர்களின் எண்ணிக்கை தொடர்ந்து அதிகரித்து வரும் நிலையில், அவர்களின் அன்றாட தேவைகளைப் பூர்த்தி செய்யும் வர்த்தக மற்றும் அடிப்படை வசதிகளுக்கான தேவையும் அதிகரித்து வருகிறது.
அந்த வகையில் MYDIN-ன் வருகை, உள்ளூர் மக்களின் அன்றாட தேவைகளைப் பூர்த்தி செய்வதுடன், KITA @ Cybersouth-ன் வர்த்தகச் சூழலை மேலும் சுறுசுறுப்பாக்கும் என எதிர்பார்க்கப்படுகிறது.
செப்டம்பர் 5ஆம் தேதி KITA @ Cybersouth-ல் நடைபெற்ற ஒப்பந்தக் கையெழுத்து நிகழ்ச்சியில், LBS குழும நிர்வாக இயக்குநரும் தலைமைச் செயல் அதிகாரியுமான டத்தோ வீரா லிம் ஹொக் குவான் (Datuk Wira Lim Hock Guan) மற்றும் MYDIN நிர்வாக இயக்குநர் டத்தோ வீரா டாக்டர் ஹாஜி அமீர் அலி மைடின் (Datuk Wira (Dr.) Haji Ameer Ali) ஆகியோர் ஒப்பந்தத்தில் கையெழுத்திட்டனர்.
கட்டுமானத் துறையில் நீண்டகால அனுபவத்தையும் வலுவான நற்பெயரையும் கொண்ட LBS Bina Group Berhad மற்றும் நாட்டின் முன்னணி மொத்த, சில்லறை வர்த்தக நிறுவனங்களில் ஒன்றான MYDIN ஆகிய இரு முக்கிய நிறுவனங்களின் இந்தக் கூட்டாண்மை, KITA @ Cybersouth-ன் வர்த்தக வளர்ச்சிக்கு புதிய ஊக்கத்தை அளிக்கும் என எதிர்பார்க்கப்படுகிறது.
குடியிருப்பு வளர்ச்சியுடன் வர்த்தக வசதிகளையும் ஒருங்கிணைக்கும் இந்த முயற்சி, அப்பகுதியின் பொருளாதாரச் செயல்பாடுகளை மேலும் வலுப்படுத்துவதோடு, வணிகத் துறையிலும் கவனிக்கத்தக்க கூட்டாண்மையாகப் பார்க்கப்படுகிறது.
