குளுவாங், ஏப்-15- ஜாலான் பெல்டா கஹாங் தீமோர் ( Jalan Felda Kahang Timur ) சாலையில் நேற்றிரவு , ஒருவர் ஓட்டிச் சென்ற பெரோடுவா மைவி கார் யானை மீது மோதியதில், அவர் மயிரிழையில் உயிர் தப்பினார்.
இரவு மணி 11.30 அளவில் நடந்த இந்தச் சம்பவத்தில் அந்த பெரோடுவா மைவி கார் மிகவும் மோசமாக சேதம் அடைந்தபோதிலும் அதன் ஓட்டுநரான 49 வயதுடைய சாருடின் ஷா ஙாரிப்பின் ( Sarudin sah Ngaripin) காயம் எதுவுமின்றி உயிர் தப்பினார்.
சம்பவம் நடந்த நேரத்தில், சாருடின் தனியாக பெல்டா கஹாங் தீமோரிலிருந்து குளுவாங் நகரை நோக்கிச் சென்று கொண்டிருந்தபோது, திடீரென ஒரு யானை சாலையைக் கடந்ததாக நம்பப்படுகிறது.
இருண்ட சாலைச் சூழல் காரணமாக, பாதிக்கப்பட்டவரால் அந்த மிருகத்தின் இருப்பை முன்கூட்டியே பார்க்க முடியவில்லை.
யானை திடீரென சாலையின் ஓரத்தில் இருந்து விலகியதால், மோதல் ஏற்படுவதற்கு முன்பு ஓட்டுநருக்கு மோதலைத் தவிர்க்க நேரம் கிடைக்கவில்லை என்று கூறப்பட்டது.
இந்த விபத்தில் யானை கடுமையாக காயம் அடையவில்லை என்பதால் பின்னர் அது
அருகேயுள்ள காட்டிற்குள் நுழைந்து தப்பிச் சென்றது.
