ஷா ஆலாம், நவம்பர்-25 – ஞாயிற்றுக்கிழமை முதல் 5 மாவட்டங்களில் வெள்ளத்தால் பாதிக்கப்பட்டு PPS எனப்படும் தற்காலிக நிவாரண மையங்களில் தங்கியுள்ள ஒவ்வொரு குடும்பத்துக்கும், சிலாங்கூர் மாநில அரசு RM500 ரொக்க உதவியை வழங்குகிறது.
மந்திரி பெசார் டத்தோஸ்ரீ அமிருடின் ஷாரி இன்று அதனை அறிவித்தார்.
சபாக் பெர்ணாம், குவாலா சிலாங்கூர், உலு லங்காட், பெட்டாலிங் மற்றும் கிள்ளான் ஆகிய மாவட்டங்களே பாதிக்கப்பட்டுள்ளன.
அங்குள்ள PPS மையங்களில் பதிவுச் செய்யப்பட்டுள்ள 750 குடும்பங்களுக்கு இந்த ஆரம்ப உதவி விநியோகிக்கப்படும் என்றார் அவர்.
இன்று காலை 11.30 மணி நிலவரப்படி, சிலாங்கூரில் உள்ள 21 PPS மையங்களில் 2,784 பேர் தங்கியுள்ளனர்.
