புத்ராஜெயா, அக்டோபர்-29,
KLIA aerotrain இரயில் சேவை மீண்டும் மீண்டும் இடையூறுகளால் பாதிக்கப்படுவதால், அதனை விரிவாக விசாரிக்குமாறு போக்குவரத்து அமைச்சர் அந்தோணி லோக் உத்தரவிட்டுள்ளார்.
பொறுப்பேற்றல் மற்றும் சேவைத் தரத்தை நிலைநிறுத்துதல் ஆகியவற்றுக்காக வெளிப்படையான விசாரணை அவசியமென்றார் அவர்.
இதையடுத்து, Aerotrain சேவையை நடத்தும் MAHB நிறுவனத்தின் மீது, தரை பொதுப் போக்குவரத்து நிறுவனமான APAD உடனடி விசாரணையைத் தொடங்கவுள்ளது.
“Aerotrain சேவை ஜூலையில் மீண்டும் தொடங்கிய போது, புதியச் சூழலுடன் பழக்கப்பட கால அவகாசம் தேவைப்பட்ட காரணத்தால், இடையூறுகளை சகித்துக் கொண்டோம்; ஆனால் இப்போது பல மாதங்களாக அது இயங்கி வருவதால் அதே காரணத்தை ஏற்க முடியாது; ஒவ்வொரு சேவை தடைக்கும் கடும் நடவடிக்கை எடுக்கப்படும்” என அந்தோணி எச்சரித்தார்.
உரிமம் பெற்ற சேவை வழங்குநர் என்ற முறையில், தரமான அதே சமயம் வாடிக்கையாளர்களை திருப்திப்படுத்தும் அளவுக்கு சேவை வழங்க வேண்டியது அவர்களது சட்டக் கடமையாகும்.
தவறினால், 2010 APAD சட்டத்தின் கீழ், ஒவ்வொரு உரிம நிபந்தனை மீறலுக்கும் RM250,000 வரை அபராதம் விதிக்கப்படலாம் என்றார் அவர்.
நேற்று காலை aerotrain சேவையில் மீண்டும் கோளாறு ஏற்பட்டதை அடுத்து, அமைச்சர் அறிக்கை வெளியிட்டுள்ளார்.
அதில், இரயில் நின்றபோது சிறார்கள் உள்ளிட்ட பயணிகள் இருள் சூழ்ந்த தளத்தில் பையை தூக்கிக் கொண்டு நடக்க வேண்டியிருந்தது குறிப்பிடத்தக்து.
